Ուսումնական ճամբարի ուղղությունները
- լող,
- հեծանիվ,
- շախմատ,
- «Իմացումի հրճվանք» ծրագրի կազմակերպման սկզբունքներ. Նախագծային ուսուցում:
Մասնակիցները
- 5-6 տարեկանների դասվարներ,
- երկարացված օրվա կազմակերպիչներ
- կրթահամալիր դիմած մասնագետներ
Օգոստոսի 22-ին մեկնարկեց մանկավարժության ճամբարը: Մարմարյա սրահում մեզ էր սպասում պարի ուսուցիչը: Բոլորը վերհիշեցին իրենց սովորած պարերը, ես` փորձեցի սովորել. կարծես ստացվեց: Ես շատ եմ սիրում ժողովրդական, ազգային պարերը և մեծ սիրով սովորեցի: Շատ տպավորիչ էր բոլորի ոգևորությունը: Ապա լսեցինք տիար Բլեյանի` միշտ ուսուցողական, շատ բան սովորեցնող խոսքը: Ապա մարզահրապարակում մեզ էին սպասում շոգն ու հեծանիվները: Նշեմ, որ երկրորդ պարապմունքից կարողանում եմ վարել, բայց դե ոչ վարպետորեն էլի, քիչ-քիչ հաղթահարում եմ խոչընդոտները: Ճամբարային գործունեության մյուս փուլը Նոր դպրոցի սեմինարն էր, որտեղ լսեցինք տիկին Մարիետին, Անահիտին և արդեն փորձառու դասվարներին: Սկզբնական շրջանում նրանց խորհուրդները շատ կօգնեն` նորեկներին ճիշտ ուղղություն տալու համար: Օրը շատ հագեցած էր և իմաստալից: Սպասենք հաջորդ օրվան…
6 տարեկանների բլոգ 